ಕೊಲ್ಲಾಜ್ - ಇದು ಅತ್ಯಂತ ಸುಲಭವಾದ ಹಾಗೂ ನಮ್ಮ ಸೃಜನಶೀಲತೆಗೆ ಸವಾಲೆಸೆಯುವ ಕಲಾ ಚಟುವಟಿಕೆ. ಚಿತ್ರಕಲೆಯ ಒಂದು ರೂಪ ಇದು. ಇದರಲ್ಲಿ ವಿವಿಧ ವಸ್ತುಗಳನ್ನು ಕಲಾತ್ಮಕವಾಗಿ ಜೋಡಿಸಿ/ ಹೊಂದಿಸಿ, ಒಂದು ಸಂದೇಶ ಅಥವಾ ಐಡಿಯಾ ವ್ಯಕ್ತಪಡಿಸುವ ಹೊಸತೊಂದು ಚಿತ್ರಣವನ್ನು ರೂಪಿಸಲಾಗುತ್ತದೆ.

ಕೊಲ್ಲಾಜ್ ಬಗ್ಗೆ ಇಂಗ್ಲಿಷಿನಲ್ಲಿ ಹಲವಾರು ಪುಸ್ತಕಗಳಿವೆ: ಕೊಲ್ಲಾಜ್; ದ ಕೊಲ್ಲಾಜ್ ಐಡಿಯಾಸ್ ಬುಕ್; ದ ಕೊಲ್ಲಾಜ್ ವರ್ಕ್ ಬುಕ್; ಪ್ರಾಜೆಕ್ಟ್ ಕೊಲ್ಲಾಜ್ ಇತ್ಯಾದಿ. ಎಲ್ಲದರಲ್ಲಿಯೂ ಉಪಯುಕ್ತ ಮಾಹಿತಿ ಲಭ್ಯ.

ಟಾಮ್ ಕ್ವಿಗ್ಲೆ ಎಂಬವರ 26 ಮಾರ್ಚ್ 2021ರ ಯೂಟ್ಯೂಬ್ ವಿಡಿಯೋದಿಂದಲೂ ಆಕರ್ಷಕ ಕೊಲ್ಲಾಜ್ ರಚಿಸುವುದು ಹೇಗೆಂದು ಮಾಹಿತಿ ಪಡೆಯಬಹುದು.

ಹಲವು ವೆಬ್-ಸೈಟ್‌ಗಳಲ್ಲಿ ಸಾವಿರಾರು ಕೊಲ್ಲಾಜ್ ಪುಕ್ಕಟೆಯಾಗಿ ಲಭ್ಯ. ಉದಾಹರಣೆಗೆ, ಮೂರು ವೆಬ್-ಸೈಟ್‌ಗಳು ಮತ್ತು ಅವುಗಳಲ್ಲಿರುವ ಕೊಲ್ಲಾಜ್ ಫೋಟೋಗಳ ಸಂಖ್ಯೆ ಹೀಗಿದೆ: 
www.freepik.com               95,000
www.istockphoto.com        2,30,000
unsplash.com                     1,000

ಈಗಾಗಲೇ ಬೀಜಗಳಿಂದ ಚಿತ್ರಾಕೃತಿಗಳ ರಚನೆ ಮತ್ತು ಮಂಡಲಗಳಿಗೆ ಬಣ್ಣ ತುಂಬುವ ಬಗ್ಗೆ ತಿಳಿದುಕೊಂಡಿದ್ದೇವೆ. (ಈ ಸರಣಿಯ ಒಂದನೇ ಮತ್ತು ಎರಡನೇ ಬರಹಗಳಿಂದ) ಈಗ ರಜಾಕಾಲದ ಮತ್ತೊಂದು ಚಟುವಟಿಕೆ ಬಗ್ಗೆ ಈಗ ತಿಳಿಯೋಣ.
 
ಸ್ಟೆನ್ಸಿಲ್‌ಗಳನ್ನು ಬಳಸಿ ಚಿತ್ರ ರಚನೆ 
ಬಹಳ ಸುಲಭವಾದ ಚಟುವಟಿಕೆ ಇದು: ಚಿತ್ರರಚನೆ ಕಲಿಯದೇ ಸ್ಟೆನ್ಸಿಲ್‌ಗಳ ಸಹಾಯದಿಂದ ಚಿತ್ರ ಮೂಡಿಸುವ ಚಟುವಟಿಕೆ. ಇದಕ್ಕೆ ವಿವಿಧ ವಿನ್ಯಾಸಗಳ ಮತ್ತು ಪಕ್ಷಿ/ ಪ್ರಾಣಿಗಳ ಆಕಾರದ ಸ್ಟೆನ್ಸಿಲ್‌ಗಳು ಅಗತ್ಯ. ಸ್ಟೇಷನರಿ ಮಳಿಗೆಗಳಲ್ಲಿ ಇವು ಸಿಗುತ್ತವೆ. 

ಉದಾಹರಣೆ 1: “ನೃತ್ಯಗಾರರು" ಎಂಬ ವರ್ಲಿ ಚಿತ್ರಕಲೆಯ ವಿನ್ಯಾಸ. ಅಳತೆ: 10 ಸೆಮೀ ೱ 10 ಸೆ.ಮೀ ಪ್ಲಾಸ್ಟಿಕ್ ತುಂಡು. ಇದರ ಮೇಲ್ಬದಿ ಎಡ ಮೂಲೆಯಲ್ಲಿ ಅರೆ-ಸೂರ್ಯನ ಚಿತ್ರ; ಅದಕ್ಕೆ ವಿರುದ್ಧವಾಗಿ ಕಂಸಾಕಾರದ ಮೂರು ಸಾಲುಗಳಲ್ಲಿ ನೃತ್ಯಗಾರರ ವಿನ್ಯಾಸಗಳು. ಇದರ ಕ್ರಮಸಂಖ್ಯೆ: ಎಲ್‌ಬಿಎಸ್‌ಸಿ 54330. ಬೆಲೆ: ರೂ.129/-
ಲಿಟಲ್ ಬರ್ಡಿ ಬ್ರ್ಯಾಂಡಿನ ಇಂತಹ ಹಲವಾರು ವಿನ್ಯಾಸಗಳು ಲಭ್ಯ. ಇದನ್ನು ಮಾರಾಟ ಮಾಡುವ ಕಂಪೆನಿ: ಎಇಸಿ ಆಫ್- ಶೋರ್ ಟ್ರೇಡಿಂಗ್ ಪ್ರೈ.ಲಿ. ಅಂಚೆ ಪೆಟ್ಟಿಗೆ ಸಂಖ್ಯೆ: 11101 ಫೋನ್: 080-42124379

ಶಾಲೆಕಾಲೇಜುಗಳ ಪಾಠಪರೀಕ್ಷೆಗಳು ಮುಗಿದು ಬೇಸಗೆ ರಜೆ ಆರಂಭವಾಗುತ್ತಿದ್ದಂತೆ ಹಲವರಿಗೆ "ರಜೆಯಲ್ಲಿ ಏನು ಮಾಡುವುದು?" ಎಂಬ ಚಿಂತೆ. ಪ್ರವಾಸ ಹೋಗುವುದು; ಜಾತ್ರೆಗಳಲ್ಲಿ ತಿರುಗಾಡುವುದು; ಬಂಧುಗಳ ಮನೆಗೆ ಹೋಗುವುದು; ಓದುವುದು; ಬರೆಯುವುದು; ಸಂಗೀತ, ಚಿತ್ರಕಲೆ, ನೃತ್ಯ, ಈಜು, ಸಂಗೀತ ಸಾಧನಗಳನ್ನು ನುಡಿಸುವುದು; ಈಜು - ಇವನ್ನು ಕಲಿಯುವುದು ರಜಾಕಾಲಕ್ಕೆ ಸೂಕ್ತವಾದ ಕೆಲವು ಚಟುವಟಿಕೆಗಳು. 

ಇವಲ್ಲದೆ ಸರಳವಾದ ಚೇತೋಹಾರಿಯಾದ ಹತ್ತಾರು ಇತರ ಚಟುವಟಿಕೆಗಳೂ ಇವೆ. ಅಂತಹ ಕೆಲವು ಚಟುವಟಿಕೆಗಳ ಬಗ್ಗೆ ತಿಳಿಯೋಣ. 
ಬೀಜಗಳಿಂದ ಚಿತ್ರಾಕೃತಿಗಳ ರಚನೆ
ಅಗತ್ಯವಾದ ವಸ್ತುಗಳು: ವಿವಿಧ ಬೀಜಗಳು; ಅಂಟು; ದಪ್ಪ ಕಾಗದ. ವಸಂತ ಕಾಲದಲ್ಲಿ ವಿವಿಧ ಸಸ್ಯಗಳ ಕಾಯಿ/ ಕೋಡು ಒಣಗಿದಾಗ ಅವುಗಳ ಬೀಜಗಳನ್ನು ಸಂಗ್ರಹಿಸಿ ಇಟ್ಟುಕೊಳ್ಳಬೇಕು. 
ವಿಧಾನ: ಬೀಜಗಳನ್ನು 3 - 5 ದಿನ ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಬೇಕು. 
ಅನಂತರ, ಕಾಗದದಲ್ಲಿ ನಮಗೆ ಇಷ್ಟವಾದ ಆಕೃತಿಗಳ ರೇಖಾಚಿತ್ರ ಬಿಡಿಸಬೇಕು. 
ಆ ರೇಖಾಚಿತ್ರಗಳನ್ನು ಸೂಕ್ತವಾದ ಅಳತೆಯ ಮತ್ತು ಬಣ್ಣಬಣ್ಣದ ಬೀಜಗಳಿಗೆ ಅಂಟು ಹಾಕಿ ಕಲಾತ್ಮಕವಾಗಿ ತುಂಬಬೇಕು. 

ಭಾರತದ ಚದುರಂಗ ಪಟುಗಳು ಜಾಗತಿಕ ಮಟ್ಟದಲ್ಲಿ ಸುದ್ದಿ ಮಾಡುತ್ತಿದ್ದರೆ, ಇದು ಕೇರಳದ ಗ್ರಾಮವೊಂದರಲ್ಲಿ ಸಾಮಾಜಿಕ ಬದಲಾವಣೆ ತಂದ ಚದುರಂಗದ ಕತೆ.

ಆ ಗ್ರಾಮದ ಹೆಸರು ಮರೊಟ್ಟಿಚಾಲ್. 1960ರ ದಶಕದಲ್ಲಿ ಅಲ್ಲಿ ಹಲವಾರು ಕುಟುಂಬಗಳಲ್ಲಿ ಸಂಕಟ ತುಂಬಿತ್ತು. ಅದಕ್ಕೆ ಕಾರಣ ಕುಡಿತದ ಚಟ. ಇದು ಹಲವಾರು ಆರ್ಥಿಕ ಹಾಗೂ ಸಾಮಾಜಿಕ ಸಮಸ್ಯೆಗಳಿಗೆ ಕಾರಣವಾಗಿತ್ತು. ಆ ಸಮಯದಲ್ಲಿ ಅಲ್ಲಿನ ಟೀ-ಶಾಪ್ ಮಾಲೀಕ ಸಿ. ಉನ್ನಿಕೃಷ್ಣನ್ ಇವೆಲ್ಲ ಸಮಸ್ಯೆಗಳಿಂದ ಪಾರಾಗಲು ಜನರಿಗೊಂದು ದಾರಿ ತೋರಿಸಿದರು. ಅದುವೇ ಚದುರಂಗದ ಆಟ. 

ಹಳ್ಳಿಗರ ಉದ್ಧಾರಕ್ಕಾಗಿ ಏನಾದರೂ ಮಾಡಬೇಕೆಂದು ಪಣ ತೊಟ್ಟ ಉನ್ನಿಕೃಷ್ಣನ್ ಮಾಡಿದ್ದು ಇಷ್ಟೇ: ಹಳ್ಳಿಗರಿಗೆ ಚದುರಂಗ ಕಲಿಸತೊಡಗಿದರು. ಭಾರತದ ಈ ಪ್ರಾಚೀನ ಆಟ ಆ ಹಳ್ಳಿಯಲ್ಲಿ ಮ್ಯಾಜಿಕ್ ಮಾಡಿತು! ಮದ್ಯ ಕುಡಿದು “ಥ್ರಿಲ್" ಪಡೆಯುವ ಬದಲಾಗಿ ತಮ್ಮ ಬುದ್ಧಿಮತ್ತೆಗೆ ಸವಾಲೊಡ್ಡುವ ಚದುರಂಗ ಆಟವಾಡಿ ಹೆಚ್ಚೆಚ್ಚು ಹಳ್ಳಿಗರು “ಥ್ರಿಲ್" ಪಡೆಯತೊಡಗಿದರು! ಹೆಚ್ಚೆಚ್ಚು ಜನರಿಗೆ ಚದುರಂಗದ ಚಟ ಹಿಡಿದಂತೆ, ಆ ಗ್ರಾಮದಲ್ಲಿ ಕುಡಿತದ ಚಟ ಕಡಿಮೆಯಾಯಿತು. 

ಚದುರಂಗದ ಆಟದಲ್ಲಿ ಪ್ರಬಲ ಎದುರಾಳಿಯನ್ನು ಸೋಲಿಸುವುದು ಮರೊಟ್ಟಿಚಾಲ್‌ನ ಹಳ್ಳಿಗರಿಗೆ ಪ್ರತಿಷ್ಠೆಯ ಸಂಗತಿ ಆಯಿತು. ಒಂದೊಮ್ಮೆ ಕುಡಿತದಿಂದಾಗಿ ಛಿದ್ರವಾಗಿದ್ದ ಕುಟುಂಬದ ಸದಸ್ಯರೆಲ್ಲ ಈಗ ಒಟ್ಟಾಗಿ ಕುಳಿತು ಚದುರಂಗದ ಆಟವಾಡತೊಡಗಿದರು!